АФК Кубогу: кыздар командасынын жеңиши
1
АФК Кубогунун тандоо оюндары ушу тапта Бишкектеги Дөлөн Өмүрзаков атындагы стадиондо өтүп жатат.
2
Гуам аралдарынын курама командасынын футболчулары.
3
20 жашка чейинки кыздар арасындагы АФК кубогунун тандоо оюндарында Кыргызстан "С" тайпасында Австралия жана Гуам аралдарынын курама командалары менен ойноп жатат.
4
"С" тайпасындагы биринчи оюн 6-мартта өтүп, мында Австралия курама командасы Гуам аралдарынын курамасын 13:0 эсебинде жеңген.
5
8-мартта Кыргызстан Гуам аралдарынын курамасы менен беттешип, оюндун биринчи бөлүгүндө кыргызстандык кыздар эки гол киргизди.
6
Алгачкы голду 22-мүнөттө Аделя Ахматбекова киргизди. Бул голдон бир мүнөт өтпөй Медина Рысбекова дагы бир гол тээп, Кыргызстан курама командасы алдыга чыкты.
7
Оюндун экинчи бөлүгүндө эсеп өзгөргөн жок.
8
Учурда кыргызстандык футболчу кыздар бир оюнду жеңип, үч упайга ээ болуп тайпада экинчи орунга жайгашты. Биринчи орунда Австралия курама командасы турат.
9
10
Кыргызстандык кыздар эми 10-мартта Австралия курама командасы менен беттешет.
11
20 жашка чейинки кыздар арасындагы АФК кубогунун тандоо оюндарына 21 өлкөнүн курама командалары үч-үчтөн өз ара жети тайпага бөлүнүп ойноп жатат. Тайпада биринчи орунду ээлеген жети команда жана экинчи орунду ээлеген эң мыкты бир команда кийинки баскычка чыгат. Ал эми Кубоктун финалдык баскычында 8 команда ойнойт.
12
20 жашка чейинки кыздар арасындагы АФК кубогу 2024-жылы март айында Өзбекстанда өтөт.
