"Азаттыктын" Бишкек бюросунун видео-журналисти. 2022-жылы Кыргыз-Түрк “Манас” университетинин коммуникация факультетин аяктаган.
Кыргызстанда Орозо айт майрамы белгиленүүдө. Мусулмандар эң көп чогулган айт намазы Бишкектин Эски аянтында өттү. Ага президент Садыр Жапаров, Министрлер кабинетинин төрагасы Акылбек Жапаров баштаган өлкө жетекчилери да катышты. Өлкөдөгү бардык мечиттерде майрамдык айт намазы окулду.
Бишкектин четиндеги Новопокровка айылынын тургуну Виктор Сильчик "Азаттыкка" короосунан байыркы карапа таап алганын айтып кайрылды. Тарыхчы, археолог Кубат Табалдыев бийиктиги эки метрге чукул чоподон жасалган карапа VIII-XI кылымга таандык экенин айтууда.
"Эсимде" изилдөө аянтчасы “Чалбасы кыргыздары. Эсимде” аттуу даректүү тасманын бет ачарын өткөрдү. Тасмада 1930-жылдары Кыргызстандын аймагынан Украинага сүргүнгө айдалган кыргыздардын тагдыры жана ал доордогу саясий абал чагылдырылган.
Кыргызстанда жашы жете элек балдар зордукталган учурлар акыркы мезгилде күн алыс катталып, бирок бул иштерди тергөөдө кайдыгерлик, кылмышка шектүүлөрдүн пайдасына чыккан сот өкүмдөрү ондогон ата-эненин, кордук көргөн балдардын көз жашына айланды.
Адал азыктарды чыгарганын билдирген “Тойбос” компаниясы дооматты четке кагууда. Россельхознадзор буга чейин кыргыз балыктарынан зыяндуу заттар табылганын кабарлаган эле.
24 жаштагы Викториянын улуту немис. Бир жыл мурда Бишкекте кыргыз тили боюнча курс ачкан. Учурда каалоочуларга акысыз тил үйрөтөт. Бала чагынан кыргызча түш жоруган Викториянын сабагына кыргызча үйрөнгүсү келген бардык улуттун өкүлдөрү келет.
Бишкектин Октябрь районуна караштуу Каралаев жана Шопен көчөлөрүнүн кесилишинде 2017-жылы курулушу башталып, ушул күнгө чейин бүтпөй турган үйдөн батир алгандар бийликке кайрылды. Алар “Билд Консалд” компаниясынан 2017-жылдан 2021-жылга чейин батир алып, бирок алданып калганын айтууда.
Бишкекте Кожомкул атындагы спорт ордосунда Советтер Союзунун Баатыры Дүйшөнкул Шопоковдун элесине арналган эл аралык бокс мелдеши аяктады. 21-мартта башталган таймаштарга Кыргызстан, Монголия, Беларус, Түштүк Корея, Өзбекстан жана Казакстандан 140тай спортчу катышты.
Чүйдө 12 жаштагы баланы өз атасы денесинде соо же калтырбай сабаган окуя коомчулуктун нааразылыгын туудурду. Бир эмес бир нече жолу ур-токмокко кабылганы айтылган баланын атасы бир айга камакка алынды. Ал арада Ошто да үч жашар баланын өлүмүн милиция териштирип жатканы маалымдалды.
Соңку жылдары баласын тууганына, коңшусуна же башка бейтааныш адамга таштап, миграцияга кеткен ата-энелердин саны аз эмес.
Токтоболот Абдумомунов атындагы Кыргыз улуттук академиялык драма театрында белгилүү журналист, акын, "Азаттыктын" редактору Кубат Оторбаевдин “Гүлдөр күтөт” аттуу ыр жыйнагынын бет ачар аземи өттү.
Бүгүн, 8-марттантарта жол эрежесин бузгандарды айдоочулук күбөлүктөн ажыратуу, кайра экзамен тапшыруу жана айрым айып пулдардын суммасы 15 миң сомго чейин көтөргөн мыйзам күчүнө кирди.
Кыргызстандыктар Түркия менен Сириядагы жер титирөөдөн кийин жашап турган үйүнүн, көп кабаттуу имараттардын сапатынан шек санай баштады. Анткени курулуш иштеринде сеймикалык эрежелер эске алынбайт деп эсептешет. Мындан тышкары Бишкектин жогору жагындагы Ысык-Ата жаракасы да ойлонто турган маселе.
Ак-Ордо конушунун тургуну Марал Шаболотованын үйү сүрдүрүлүп, төрт баласы, пенсиядагы апасы менен көчөдө калды. Жогорку Сот келиндин үйүн бузууга анын мыйзамсыз курулуш жүргүзгөнү себеп болгонун билдирди. Коомчулуктун реакциясынан кийин өкмөт келинге үй салып бере турганы белгилүү болду.
“Тентек” анимациялык студиясы “Манас” эпосунун негизинде даярдалган мультсериалдын кезектеги бөлүгүн тартып бүттү. Чыгармачыл топ балдарга кыргыз тилиндеги мультфильмдерди тартуулоодон тышкары окуучулар үчүн пайдалуу долбоорлорду даярдоо менен алектенүүдө.
Парламент билим берүү жана илим министри кызматына талапкер Каныбек Иманалиевдин талапкерлигин 1-мартта колдоп берди. Билим берүү жана илим министрлигине жаңы жетекчи дайындалганы билим берүү системасын реформалоо сунуштары кайрадан айтылып жатат. Билим берүү тармагына кандай реформа керек?
Кыргызстанда жер мунапысы тууралуу жобо чыккандан бери 86 миңге чукул адам арыз жазып, үй салып алган жерлерин мыйзамдаштырууну көздөп жатат. Учурда миң кишинин колуна менчиги тууралуу документ тийген. Өкмөт эки жылда турак жайга кызыл китеп берүү жараянын соңуна чыгара алабы?
Кыргызстандыктар 23-февраль - Мекенди коргоочулар күнүн майрамдап жатат. Совет мезгилинде Кызыл Армиянын жана флоттун күнү деп аталган бул майрамдын кайра белгилене баштаганына 20 жыл болду. Мындай майрамдарда окуучуларга аскердик кийим кийгизүү адаты жайылууда.
Бишкекте “Кыздар билим жана илимде: Чакырыктар жана тобокелдиктер!” деген иш-чаранын алкагында даректүү тасмалар көрсөтүлдү. Алардын бири ооган кыздарынын билимге болгон умтулуусун чагылдырат.
Бишкектин Биринчи Май райондук сотунда 15-февралда "Вечерний Бишкек" басылмасынын Kaktus.media басылмасына каршы доо арызы боюнча алгачкы угуу өттү. Анда "Вечерний Бишкек" басылмасы "Кактус медианы" жалган маалымат таратты деп айыптап, 50 миллион сом талап кылууда.
Дагы жүктөңүз
