"Азаттыктын" Бишкектеги журналисти. "Ыңгайсыз суроолор" телепрограммасынын алып баруучусу. 2009-жылы Ош Мамлекеттик университетинин журналистика факультетин аяктаган.
Өзбекстандын чек ара кызматы кыргыз жарандарын өз аймагына үч айда бир гана жолу өтүүгө укуктуу деп чектөө киргизгени жергиликтүү калкты бушайманга салды. Бирок Кыргызстандын Чек ара кызматы эки тараптуу сүйлөшүүлөрдүн негизинде андай чектөө жокко чыгарылып, маселе жөнгө салынганын билдиришүүдө.
Жогорку Кеңештин бир катар депутаттары Казакстандын Тараз калаасында иштеген кыргыз мигранттары массалык түрдө мекенине кайтарылып жатканына тынчсызданууларын билдирип чыгышты. Эл өкүлдөрү өлкөнүн миграция министрлигин бул жагдайга көңүл бурууга чакырып, казак бийликтери менен чукул арада сүйлөшүү зарылдыгын белгилешти.
Бир катар эл аралык уюмдар Кыргызстандагы журналисттерге кол салуулардан улам, сөз эркиндигинин абалы күн санап артка чегинип жатканына тынчсызданышууда. Ал ортодо жергиликтүү медиа уюмдар да журналисттердин коопсуздугун кантип камсыздоо керек деген маселени байма-бай талкуулап, уруп-сабоолорду алдын-алуунун жолдорун издешүүдө.
Жогорку Кеңештин бир катар депутаттары жогорку окуу жайларда келишимдик негизде окуп жаткан жүздөн ашуун мүмкүнчүлүгү чектелген студенттерди бюджеттик негизге которуу сунушу менен өкмөткө кайрылды.
28-январда өкмөт жыйынында премьер-министр Данияр Үсөнов кадр саясатында кетирген кемчилиги үчүн ички иштер министри Молдомуса Конгантиевге сөгүш жарыялады.
14-январда мурдагы коргоо министри Исмаил Исаковдун абактан бошотулушун талап кылып, нааразылык акциясына чыккан алайлыктар Ош-Эркеч-Там жолун тосушуп, алар милициянын атайын даярдыктагы отряды тарабынан күч менен таратылды. Күч органдары ошол эле күнү эл айыл-айылга тараганда тигилген боз үйлөрдү түн ичинде чечип кетишти.
Ош аймагында ондогон студенттер кышкы эс алуу убагында шаар көчөлөрүн, айыл жерлерин кыдырып, дааватка чыгып жатышканына жергиликтүү бийлик кооптонуусун билдирүүдө. Бийлик өкүлдөрү студенттерди түрдүү диний агымдардан, радикалдуу кыймылдардан оолак кармоонун аракетин көрүүдө.
Оштогу “Голден Гоал” аттуу коомдук бирикме Кыргызстанда адам сатуу өнөкөтү жыл санап күчөп жатканына кабатырлануусун билдирди. Эл аралык адистердин маалыматы боюнча, 2007-жылы 4 миң кыргызстандык атуул чет өлкөдө кулчулук азабын тартса, 2008-жылы бул көрсөткүч 5 миң адамга жеткен.
2009-жыл чет жерде иштеген кыргыз мигранттары үчүн оор жылдардын бири болду. Адистер дүйнөлүк каржы каатчылыгы Кыргызстанга дал ошол мигранттар аркылуу таасирин тийгизгенин белгилешүүдө. Жакында эле Кыргызстандын Улуттук банкы кыргыз мигранттарынын өз мекенине жөнөткөн каражаттын көлөмү да дээрлик отуз пайызга кыскарганын билдирди.
Ош шаар мэриясынын мамлекеттик тил боюнча адистери түштүк борборунда ондогон мекеме ишканалар кыргыз тил мыйзамын тоотпой жатышканын айтып, текшерүү учурунда 180ден ашуун мыйзам бузуу фактысы катталганын белгилешти.
Оштогу СПИД борбору жыл башынан бери Ош шаарынын өзүндө эле кош бойлуу 22 аялдан ВИЧ илдети табылганын маалымдады. Аталган борбордун ырасташынча, бойкат аялдар бул дартты жыныстык жол аркылуу жуктуруп алышкан.
“Интербилим” борборунун Оштогу өкүлчүлүгү Ош шаар бийлиги менен биргеликте коррупцияга каршы жумалык иш-чарасын баштады. Аталган борбор мындан ары жалпы коомчулукту коррупция менен бирге күрөшүүгө чакырып, пара берүүгө мажбурланган шаар тургундары үчүн атайын ишеним телефону да иштеп баштаганын жарыя кылды.
“Интербилим” эл аралык борбору дээрлик төрт жылдан бери Кыргызстандагы жаш активисттерди лидерлер мектеби долбоорунун алкагында окутуп, тарбиялап келет. Келечекте “лидер, саясатчы болом” деген жаштар аталган борбордо сабак алып, чет өлкөгө чыгып, тажрыйба алмашып, жаштар турмушу менен таанышып келүү мүмкүнчүлүгүнө ээ болот.
Ош шаар бийлиги жогорку окуу жайлардагы коррупцияга бөгөт коюу максатында, жалпы студенттерди пара алган мугалимдердин сабагына бойкот жарыялоого чакырды. Шаар башчысы студенттердин массалык түрдө сабактарга катышпай коюусу аркылуу окуу жайлардагы паракорлукту азайтууну көздөп жатканын билдирди.
1-ноябрь түнү «Ош шамы» гезитинин журналисти Кубаныч Жолдошевди белгисиз бирөөлөр аёсуз сабап кетишти. Учурда ал оор абалда ооруканада жатат.
ОшМУнун миңге чукул студенти нааразылык акциясына чыгып, окуу жай жетекчилигинен окуу үчүн келишим акыны жана жатакана баасын төмөндөтүү талабын коюшту.
Ош шаар бийлиги “Боорукердик” үй интернатынын тарбиячылары балдарды уруп-сабаган жана карыларга орой мамиле жасагандыгы үчүн интернаттын кызматкерлерин айыптап, директорун кызматынан четтетти.
Кара-Суу районунун Савай-Арык айылынын окуучулары жаңы окуу жылынан тарта айылдагы турак үйлөрдүн биринде окуусун улантууга аргасыз болушту.
Орусияга кулчулукка сатылганы тууралуу даттанган оштук тургун Абитжан Муралимовду 7-октябрь түнү белгисиз бирөөлөр аесуз сабап кетишти.
"Азаттык плюс" бүтүндөй үй-бүлөсү менен Орусиянын Тюмен шаарында кулчулук торунан кутулуп чыккан оштук тургун Абитжан Муралимов менен маек курду.
Дагы жүктөңүз
