"Азаттыктын" Бишкектеги кеңсесинин журналисти. 2009-жылы Internews уюмунун "Жылдын мыкты радио журналисти" наамын алган.
Министрлер кабинети 10-июнда Австриянын борбору Вена шаарында эл аралык энергетикалык инвестициялык форум “Камбар-Ата-1” гидроэлектр станциясын (ГЭС) куруу боюнча Координациялык донордук комитет түзүү менен аяктаганын билдирди.
Жогорку Кеңеш Курманкул Зулушевдин башкы прокурор кызматын өз эрки менен тапшыруу арызына макулдук берип, анын ордуна Максат Асаналиевдин талапкерлигин колдоду.
Курманкул Зулушев башкы прокурор болуп 3,5 жылдан ашык убак иштегенден кийин күтүүсүз отставкага кетти. Ал бул кызматка 2020-жылы Октябрь окуяларынын шары менен бийлик алмашкандан кийин дайындалган. Ага чейин Жогорку Кеңеште депутат болгон.
Борбордук шайлоо комиссиясы (БШК) Абдурахманхажи Муртазалиев тууралуу Бишкек административдик сотунун чечимин жокко чыгаруу өтүнүчү менен Бишкек шаардык сотуна кайрылды.
30-майда Жогорку Кеңеш Ысык-Көл облусунда чет элдиктерге турак жай, там-таш сатууга жол ачкан мыйзам долбоорун экинчи окууда жактырды. Документтин авторлору бул документ аймакты өнүктүрүп, инвестиция тартуу үчүн зарыл деп жүйө келтирип жатат.
Кыргызстанда уран казууга жол ачкан мыйзам долбоору 29-майда Жогорку Кеңеште көпчүлүк добуш менен биринчи окуудан өттү.
Бишкекте жана ага жакын Чүйдүн аймактарында 18-майга караган түндөгү тополоңго байланыштуу Свердлов райондук милициясынын жетекчиси баштаган он кызматкер иштен алынды. Аталган райондук ички иштер бөлүмүнүн жана шаардык милициянын дагы он кызматкерине ар кандай тартиптик жаза берилди.
Таласта үч адамды мыкаачылык менен өлтүрүүгө шектүүнүн абактан мөөнөтүнөн мурда бошоп чыкканы белгилүү болгондон кийин пробациялык көзөмөл тууралуу талкуулар күчөдү.
Аскердик прокуратура учурда №1 тергөө абагында отурган акын жана активист Аскат Жетигендин атайын кызматтын шаардык бөлүмүндө кыйноого кабылганы тууралуу арызын териштирип бүтө элек.
Кыргыз милициясы Бишкек жана Чүйдөгү 18-майга караган түндөгү окуяларды териштирип-иликтөөнү улантып жатат. Милициянын маалыматы боюнча ал түнү Бишкектеги алты жатакана жана Чүйдөгү бир тигүү цехине барып, ал жайлардагы чет элдиктерге кол көтөрүү болгон.
Юстиция министрлиги "чет өлкөлүк өкүлдүн милдетин аткарат" деген бейөкмөт уюмдардын реестрин түзүү жана алардын ишин текшерүүнүн тартибин аныктоо үчүн атайын жобо бекитти.
Бишкекте убагында Ататүрк паркына таандык жерге салынган там-ташта жашаган айрым тургундар 20-майда нааразылык акциясына чогулду. Алар мэриянын парктын жерин калыбына келтирүү, үйлөрдү бузуу чечимине каршы экенин айтышты.
УКМК 2021-жылы Жогорку Кеңештеги "Бүтүн Кыргызстан" фракциясынын лидеринин орун басары болуп Гуля Кожокулова шайланган жагдайды иликтеп жатат. 16-майда фракциянын экс-депутаты Орозайым Нарматова ушул жагдайга байланыштуу атайын кызматта үч саат күбө катары сурак берип чыкканы белгилүү болгон.
Энергетика министрлигинин алдындагы "Курулуп жаткан электр станциялар" дирекциясынын башчылыгына дайындалган мурдагы премьер-министр Игорь Чудинов эки күн иштебей кызматынан кол жууду. Бул дайындоого президент Садыр Жапаров каршы чыгып, энергетика министри Таалайбек Ибраевге эскертүү берди.
Жогорку Кеңеште сүттүн баасына байланыштуу маселе дагы көтөрүлдү. Парламенттин соңку жыйынында депутат Акылбек Түмөнбаев өкмөт сүттүн баасын 40 сомдон кем болбосун деген шарт каралган токтомду аткарбай жатканын айтып, келерки аптада буга байланыштуу талкуу уюштурууну сунуштады.
Жогорку Кеңештин тармактык комитети шайлоодогу үгүтчүлөрдүн санын кыскартуу жобосу каралган мыйзам долбоорун биринчи окууда колдоду. Анда талапкерлер 100гө чейин, ал эми партиялар 5 миңден ашпаган үгүтчү жалдай алат деген жобо жазылган. Азыркы мыйзамдын негизинде алардын саны алда канча көп.
Кыргызстан мусулмандар дин башкармалыгынын блогер Айнура Сагынбаева тууралуу билдирүүсү коомчулукта ар кыл пикир жаратты.
Өкмөттүн соңку жыйынында президентке караштуу Инвестициялар боюнча улуттук агенттиктин ишине айтылган сын-доомат, жетекчисине берилген эскертүү бул жааттагы талкууну жандантты.
Улуттук коопсуздук комитети (УКМК) Кыргызстан аркылуу сыртка, чет өлкөлөргө маңзат ташуу менен алектенген трансулуттук кылмыштуу топ аныкталганын, эки мүчөсү колго түшкөнүн билдирди. "Манас" бажысы менен чогуу жүргүзгөн операциянын негизинде ири өлчөмдөгү маңзат алынганын маалымдады.
Дагы жүктөңүз
