Президент Садыр Жапаров Азамат Арнабек уулун Балыкчы шаарынын мэри кызматынан бошотуп, ордуна Султан Кермалиевди дайындады. Бул тууралуу жарлык 2-июлда жарыяланды.
42 жаштагы Арнабек уулу Балыкчы шаарын 2022-жылы октябрдан бери жетектеди. Мындан бир күн мурда Ысык-Көл райондук администрациясы Чолпон-Ата шаарына Арнабек уулу мэр болуп дайындалганын маалымдаган.
Шаардын ага чейинки мэри Данияр Сатаров 23-июнда өз каалоосу менен кызматын тапшыруу боюнча арыз жазган.
36 жаштагы Султан Кермалиев буга чейин Чолпон-Атада көл жээгине комуздун формасында пирсти, грек мифологиясындагы каармандар Зевс жана Посейдондун скульптурасын тургузган.