"Азаттыктын" Бишкектеги журналисти. "Ыңгайсыз суроолор" телепрограммасынын алып баруучусу. 2009-жылы Ош Мамлекеттик университетинин журналистика факультетин аяктаган.
Оштогу “Реал КУТ” жаштар уюмунун лидери, Ош мамлекеттик университетинин 4-курсунун студенти Эрнис Нурматовго окуу жай ректору Муктар Орозбековдун атынан белгисиз бирөөлөр телефон чалып, аны коркутушууда. Андан көп өтпөй окуу жайдын проректору Ашыраалы Борбоев да Нурматовдун ата-энесине баласы тууралуу ачык эскертүү жасап, ректорго сын-пикир айтчу болсо атайын чара колдонулаарын эскерткен.
Кыргызстандык белгилүү блогчулар, же болбосо интернет аркылуу маалымат тараткан активисттер апрель окуясында интернет чоң роль ойногонун белгилешүүдө. Чынында эле Таласта элдик толкундоо башталып, оппозиция лидерлери камакка алынганда эл реалдуу маалыматты интернеттен гана алууга аргасыз болушту.
“Жоомарт” патриоттук кыймылынын лидери, 2009-жылы президенттикке ат салышкан Нурлан Мотуев ушул тапта “Бакиевдин кишиси” деп Ак үй алдында сүрөтү илинип турганына нааразы болууда. Ал соңку окуялар тууралуу “Азаттыкка” маек курду.
Бишкектин чет жакасындагы айрым райондордо жүздөгөн адамдардын жерлерди мыйзамсыз басып алуусу башталды. Шаар бийлиги жер ээлеп алуу аракетин атайын чагымчы күчтөр уюштуруп жатканын белгилеп, аларга катуу чара көрүлөрүн эскертти. Ага карабай адамдар топ-тобу менен басып алган жерлерине бирин-экин чатырчаларды тигишип, жер берилмейин кетпейбиз деп отурушат.
Ушул күндөрү БУУнун баш катчысы Пан Ги Мундун Борбор Азиядагы сапары уланууда. Баш катчы аймакта адам укуктарынын корголушу, сөз эркиндиги сыяктуу маселелерге өзгөчө көңүл буруп жатат. Cаясий серепчи Кубан Абдыменге ушул сапарга байланыштуу суроолор менен кайрылдык.
Өзбекстанда атагы таш жарган “Божалар” ("Бажалар") эстрадалык тобу 28-мартта Бишкек шаарында күйөрмандары үчүн концерт тартуулады. Концерттин уюштуруучулары бул топ ырчылыктан сырткары актерлук өнөрү менен да Кыргызстанга кеңири таанылган үчүн Бишкекке чакырылганын белгилешти.
Журналист Абдувахаб Мониевди 15-мартта Алайдагы митингди тасмага тартып келатканда Ош-Бишкек жолунан белгисиз бирөөлөр аесуз сабап кетишкен. Кол салуудан журналисттин денеси жарат алып, башы жарылган. Мониев соңку убакта “Пресс.kg” аталыштагы жаңы гезит ачып, анда азыркы бийликти, өзгөчө президент Курманбек Бакиевди кескин сындаган макалаларды жазып жаткан. Учурда ооруканада жаткан журналист “Азаттыктын” суроолоруна жооп берди.
Ынтымак курултайынын делегаттары менен жолугушуп, аларды өздөрүнүн талаптарын тапшыруу үчүн улуттук филармониянын алдына чыккан “Ак шумкар” партиясынын жыйырмадай өкүлүн милиция кармап барып, 16 адамды соттоп, миң сомдон - эки миң сомдон акчалай айыпка жыкты. .
22-март күнү миграция министрлиги Ынтымак курултайына чет жердеги кыргыз мигранттарынын атынан шайланган 35 өкүл менен жолугушуу уюштуруп, курултайда көтөрүлчү маселелерди талкууга алышты. Жыйынга катышкан өкмөт өкүлдөрү, ЖК депутаттары мигранттардын көйгөйлөрүн угуп, курултайга жеткирбей эле айтылган маселелерди чечип берүүгө убада берип үлгүрүштү.
Бүгүн Кыргызстандын бардык аймагында Нооруз майрамы белгиленүүдө. Нооруз салтанаты Бишкектеги эски аянтта улуттук оюндар менен коштолуп, чогулган элге концерттик оюн-зоок тартууланды. Сүмөлөк кайнатылып, жаштар үчүн кол күрөш, ордо сыяктуу улуттук оюндар уюштурулду.
12-мартта Нарындагы “Электр кубатына бааларды төмөндөтүү” кыймылынын 19 өкүлү өкмөт башчы Данияр Үсөнов менен жолугушуп, жыйынтыгында алар “бийлик элдин талаптарын аткаруудан баш тартты” деген чечимге келишти.
Социал-демократтар партиясы Бишкекте жана айрым облустарда «Азаттык» радиосунун программалары чыкпай калганына байланыштуу 15-мартта пикет өтөөрүн жарыялады.
“Студенттер коррупцияга каршы” жаштар кыймылы өкмөттүн баа саясатына нааразылык иретинде 17-мартта сабактарга катышуудан баш тартып, оппозициянын Элдик курултайына бараарын жарыялады. Кыймыл өкүлдөрү Элдик курултайда кыргыз өкмөтүнө бойкот жарыялоо демилгесин көтөрүүнү көздөшүүдө.
Өкмөттүн тарифтерди жогорулатуу жана энергетикалык ишканаларды жеке менчикке сатуу саясатына каршы “220” кыймылы бүгүндөн тарта нааразылык иш-чараларын баштады. Аталган кыймыл кыргыз коомчулугуна кайрылуу жасап акция 14-март күнү Бишкекте сары тасмаларды байлап автожүрүшкө чыгуу менен улаанаарын билдиришти.
10-мартта Бишкекке келген АКШнын Борбордук командачысы Дэвид Петреус кыргыз президенти менен жолугушуп, тараптар эки өлкө кызматташтыгын жана Ооганстандагы кырдаалды талкуулашты. Анда "Манастагы" Транзиттик борбор боюнча келишимди узартуу маселеси каралганы ачыкталган жок.
“Техникалык кызматташтык боюнча Германия коому” деп аталган эл аралык корпорация Кыргызстанда ВИЧ/СПИД дартына кабылгандардын саны 2 миң 837ге жеткенин билдирди. Аталган уюм соңку жылдары Борбор Азия чөлкөмүндө бул коркунучтуу илдет өтө тездик менен жайылып баратканын, көбүнесе бул ооруга баңгизат колдонгон жаштар чалдыгып жатканын белгиледи.
26-февраль түнү Тажикстандын баш калаасы Дүйшөмбүдө кыргызстандык укук коргоочу Нематилло Ботакозуев дайынсыз жоголду. Укук коргоочу жоголоор күнү Бириккен Улуттар уюмунун Дүйшөмбү шаарындагы качкындар иштери боюнча бөлүмүндө болгону айтылууда.
Кыргызстанда өкмөттүн тарифтерди жогорулатуу жана энергетикалык ишканаларды жеке менчикке сатуу саясатына каршы “220” деп аталган кыймыл түзүлдү.
Евробиримдик Кыргызстанда адам укугунун артка чегинип жатышына тынчсыздануу билдирип, кыргыз бийлигин бул жагдайга тез арада көңүл бурууга чакырды. Мындай билдирүү 23-февраль күнү Брюсселде өткөн Евробиримдик-Кыргызстан алакаларын талкуулаган жолугушууда айтылды.
Кыргыз президенти Курманбек Бакиев 23-мартта Ынтымак курултайын өткөрүүгө камынып жаткан чакта, оппозициялык күчтөр 17-мартта Элдик курултай өткөрүшөөрүн жарыялашты. Дал ушул “марттагы курултайлар” учурда коомчулуктун көңүл чордонунда болуп, кызуу талаш-тартыштарды жаратууда. Жарыша өткөрүлүп жаткан бийлик-оппозициянын бул иш-чараларына кыргыз жаштары кандай көз карашта?
Дагы жүктөңүз
